|

ENTROIDO 2026

Como en anos anteriores, o noso MECO  indicará desde hoxe venres os mandatos a seguir desde o luns 9 ao xoves 12 de febreiro. Os mestres titores encargaranse de explicalo ao alumnado e tamén estará no propio boneco e nas redes sociais do colexio diariamente. Como adianto vai tamén ao final desta circular.

O venres 13 de febreiro, se o tempo o permite, desfilaremos todos os cursos cos disfraces feitos nas aulas. O desfile está previsto para as 12 horas e será ata a praza circular do Inferniño. Recoméndase que os grupos que non teñen protocolo de alerxias traian merendas típicas desta festa.

O alumnado deberá vir ao centro vestido do seguinte xeito:

  • Infantil (3 e 5 anos). Partes de arriba e abaixo de negro.
  • Infantil 4 anos. Parte de arriba de branco e parte de abaixo indiferente porque non se ve.
  • 1ºde Primaria. Parte de arriba (camisa de cadros) e parte de abaixo (pantalón vaqueiro).
  • 2º de Primaria. Parte de arriba e abaixo de negro.
  • 3º e 4º de Primaria. Parte de arriba e de abaixo (branco).
  • 5º e 6º de Primaria. Parte de arriba (branco) e parte de abaixo (branco ou cor clara).

TODOS cos tenis do colexio como base para o disfrace.

Pola tarde Festa de Entroido e mercadiño solidario para recadar fondos para a excursión de fin de curso do alumnado de 5º e 6º de Primaria. Os mestres estaremos nos nosos postos polo que non poderemos encargarnos de atender ao alumnado. Na festa haberá:

  • Concurso de disfraces. (3 premios individuais, 1 á mellor parella, 1ao mellor grupo e 1 á mellor familia)
  • Cafetería. (A cargo da ANPA)
  • Venda de todo tipo de doces e obxectos.
  • Música, baile, actividades…

Esta festa será o venres 13 entre as 17:00 e as 20:00 horas.

Desexamos volver pasalo ben toda a comunidade educativa xunta.

Animádevos e convidade ás vosas amizades!

XA CHEGOU O ENTROIDO,

XA CHEGOU O MECO!!

De traballo vai este ano!

LUNS 9MARTES 10MÉRCORES 11XOVES 12VENRES 13
  Para poder lembrar  quen en Galiza anda a traballar  un mandil, bata ou mandilón has levar! Pois lévao o cociñeiro, o ferreiro  e tamén a costureira e a panadeira!  Seguimos a marcar, un sombreiro, pano ou boina debes levar se un oficio queres imitar!  No pescozo has de colocar, aquel accesorio que máis vas usar… para beneficio do teu oficio, cordeis, cintas métricas, mangueiras, panos, estetoscopios…Honrarás ao calzado que a todo os oficios valerá! Unhas botas de goma! verdes, marróns, negras ,amarelas … de tódalas cores para todos os traballadores Busca as túas pola casa E a ver que pasa!Chegou o dia grande , venres de entroido!! Da cor que que diga  o teu titor ou titora chegarás á hora!! O Meco sairá e os oficios da Galiza o acompañaran  outro ano máis na praza arderá!!   De festa pola Manhá e de festa pola tarde…   A festa está servida! As túas lambadas traerás E moito moito gozarás!!

A Dirección

CIRCULAR DE ENTROIDO 2026Descarga